Galego   GALEGO


Turismo, Cultura, Historia de Galicia: Ourense e Pontevedra

 



PUBLICACIÓN

O Cristo da Bica volverá neste mes ao Rañadoiro (parroquia de Ponte Sampaio)

5 Xullo, 2018



O Cristo da Bica regresará neste mes á súa situación orixinaria no lugar de Rañadoiro, parroquia de Ponte Sampaio, logo de que rematen os traballos de restauración que o Concello de Pontevedra acomete da man de Mercedes Cifuentes. Dende hai uns meses, este estudo traballa na limpeza e conservación do cristo de pedra policromada que data de 1847.

Está mañá o concelleiro responsable da parroquia de Ponte Sampaio, Raimundo González visitou os traballos de restauración acompañado do arquitecto municipal para comprobar que se están retirando dúas capas de pintura plástica que ten o cruceiro, pero se deixarán o resto de policromías oleosas (tiña até 13 diferentes) xa que datan de épocas distintas, informa da historia vivida polo cruceiro e se mantén a tradición do cristo pintado, ademais que dende o punto de vista da restauración, o obxectivo é recuperar as policromías orixinais.

Cristo da Bica

O Cristo da Bica atópase nun cruce de camiños no Rañadoiro. Os veciños do lugar sonlle moi devotos de tal xeito que lle fan ofrendas, peticións e danlle esmolas coas que despois se empregan para sufragar a festa do lugar que é no mes de setembro. Historicamente, coas esmolas sobrantes despois da celebración da festa, o mordomo (un veciños do lugar) encargábase de pintar o cristo. As últimas veces que se pintou fíxose con pintura plástica, que mingua substancialmente a viveza das policromías iniciais e as formas da escultura.

Os traballos de restauración do Cristo da Bica culminan unha intervención máis ampla que o Concello comezou o pasado verán na súa contorna, no Rañadoiro. A escultura atópase adherida a un muro privado que foi cintado e restaurado. Retirouse un arco de ladrillo e unha cancela situados ao carón do Cristo, e se recolleron as augas pluviais do lugar.

O orzamento total das actuacións realizadas tanto no acondicionamento da contorna como no Cristo foi de 8.381 euros.

 




Comparte esta Publicación!!!










Ourense
Pontevedra
Vigo


Buscar
Historia
Cultura
Turismo
Naturaleza
Fotos - Vídeos
Autores
Webs Amigas

Síguenos en Facebook

Síguenos en Google+
Síguenos en Twiter
Síguenos en Linkedin
Síguenos en Youtube
Síguenos en Pinterest
Síguenos en Deviantart
Subscríbete a nuestro canal RSS








Porgaliciabaixo

Contacto | Mapa Web | Aviso Legal


Este sitio Web publícase baixo licenza CREATIVE COMMONS.

Diseñado por PorGaliciaBaixo






Deseñado por PorGaliciaBaixo