Galego   GALEGO


Turismo, Cultura, Historia de Galicia: Ourense e Pontevedra

 



PUBLICACIÓN

Acondicionamento das praias do Lérez, Ponte Sampaio e Praceres de cara ao verán – Pontevedra

Data: 12 de xuño 2017

O Concello de Pontevedra iniciou hai uns días traballos intensivos de mantemento nos areeiros do municipio para que estean en boas condicións de uso de cara ao período estival.

A praia fluvial do Lérez, a de Ponte Sampaio e tamén a de Praceres reciben estes días aos servizos municipais para facer labores de limpeza, achega de area, retirada de algas, reposición ou reparación de mobiliario urbano e de praia… Ademais, nos vindeiros días incorporaranse os socorristas ás praias do Lérez e Ponte Sampaio, que realizarán o control de ambos areeiros até primeiros de setembro.

Na praia fluvial do Lérez, o Concello realiza labores de mantemento en relación a limpeza, reparación ou reposición de mobiliario urbano segundo o caso, e traballos de xardinería. O servizo de socorrismo comezará o vindeiro 24 de xuño e prolongarase até o 10 de setembro. Haberá un socorrista todas as mañás, e polas tardes reforzarase o servizo con outro profesional máis nos meses de xullo e agosto. O horario deste servizo será de 12.30 a 20.30 horas ininterrompidamente.

Hai que lembrar que o Concello iniciou a contratación dunha mellora substancial do areeiro da praia do Lérez, un proxecto que supera os 230.000 euros e que se executará para a vindeira tempada estival. Esta obra suporá a retirada da area e da capa xeotéxtil que a protexe dos lodos do río; porase unha nova capa, con novas prestacións, e volverá a reporse toda a area.

Paralelamente está en proceso de adxudicación da concesión do quiosco da praia por cinco anos. O período de duración da concesión será do 1 de xuño até o 30 de setembro, así como todos os domingos, festivos e sábados dos seguintes períodos: desde o 1 de xaneiro ata o 10 de xaneiro, desde o 1 de abril ata o 31 de maio e desde o día 15 de decembro ata o día 31 de decembro.

Este é unha prestación moi demandada polos cada vez máis usuarios da praia fluvial nas tardes de calor.

Ponte Sampaio e Lourizán

No areeiro de Ponte Sampaio, tamén se realizarán traballos de limpeza e mantemento tanto na praia como na zona de lecer da Xunqueira, ademais de achega de area. No caso do servizo de socorrismo está contratado á Cruz Vermella, e será de dous profesionais nas fins de semana e nos días festivos. Dende o 17 de xuño até o 10 de setembro, en igual horario que no da praia fluvial do Lérez.

Na praia de Praceres xa comezou esta semana o habitual zafarrancho de limpeza, mantemento, reparación ou reposición do mobiliario urbano, e tamén a retirada de algas. Cabe lembrar que esta praia, pola súa situación, acumula moitas algas polo que está acordada a súa retirada cada dúas ou tres semanas, en función do estado do areeiro. Tamén está previsto facer un aporte de area nestes días.

 

 

 

 




Comparte esta Publicación!!!










Ourense
Pontevedra
Vigo


Buscar
Historia
Cultura
Turismo
Naturaleza
Fotos - Vídeos
Autores
Webs Amigas

Síguenos en Facebook

Síguenos en Google+
Síguenos en Twiter
Síguenos en Linkedin
Síguenos en Youtube
Síguenos en Pinterest
Síguenos en Deviantart
Subscríbete a nuestro canal RSS








Porgaliciabaixo

Contacto | Mapa Web | Aviso Legal


Este sitio Web publícase baixo licenza CREATIVE COMMONS.

Diseñado por PorGaliciaBaixo






Deseñado por PorGaliciaBaixo