Galego   GALEGO


Turismo, Cultura, Historia de Galicia: Ourense e Pontevedra

 



PUBLICACIÓN

Actividades deportivas, culturais e reinvindicación das rúas de Ourense, na Semana da Mobilidade

19 Setembro, 2018



Actividades deportivas, culturais, e sobre todo a reivindicación das rúas como espazo para os peóns serán os eixos principais da programa de actividades “máis ambicioso presentado polo Concello de Ourense con motivo da Semana Europea da Mobilidade, que terá lugar entre o 17 e o 23 de setembro”. Así o definiu o concelleiro de Infraestruturas, José Araújo, durante a presentación do calendario previsto e no que este ano destaca a peatonalización definitiva da rúa Xaquín Lorenzo e a rúa Cardenal Quevedo até a Avenida da Habana, a partires do domingo 16 de setembro.

“Queremos que camiñar pola cidade sexa cada vez máis fácil”, explicou o concelleiro que referiu os cortes de rúas que van ter lugar na vindeira semana con motivo das actividades previstas.

Así, toda la semana estará prohibido aparcar nas rúas Concordia, na Avenida de Bos Aires até Valle Inclán e en Bedoya até Valle Inclán. Os vehículos só poderán circular por estas rúas.

No Día sen coches, o 22 de setembro, só poderán entrar nos garaxes ou parkings, e haberá carga e descarga nas rúas: Concordia, Valle Inclán até a Avenida da Habana, Ramón Cabanillas até Avenida da Habana e Bos Aires até a Avenida da Habana. Ese mesmo día, a rúa Pardo de Cela estará cortada ao tráfico entre 10:00 e 20:00 horas para a realización de actividades.

Entre as actividades programadas José Araujo destacou a exposición fotográfica “Combina e Móvete”, organizada en colaboración con Viaqua, na rúa Curros Enríquez (fronte á Subdelegación de Goberno) que presentará imaxes fotográficas de persoas ou empresas ourensanas que apostan polo transporte ecolóxico ou por ir ao traballo camiñando.

Tamén salientou unha charla informativa no Centro Cultural Marcos Valcárcel, o luns 17ás 19:00 horas,  para dar a coñecer o proceso Móvete por Ourense co que se pretende impulsar novos hábitos de mobilidade entre a cidadanía. O concelleiro agradeceu a “colaboración e participación dos grupos políticos e dos veciños” neste proceso e abogou por “seguir traballando con unidade para que a mobilidade sexa cousa de todos na cidade”.

Pola súa banda a concelleira de Educación, Belén Iglesias, informou de que a vindeira semana haberá charlas educativas sobre mobilidade sostible e talleres de educación viaria en diferentes centros educativos da cidade.  Tamén dirixido á cativada haberá un circuíto viario en varias zonas da cidade (explanada da Policía Nacional, San Mamede, Basilio Álvarez, diante da Policía Local).

As tardes do 17 ao 21 de setembro haberá obradoiros con monitores nas rúas peonís Xoaquín Lorenzo e Cardenal Quevedo; un circuíto para realizar ginkanas de bicicletas e contacontos en diferentes zonas da cidade, nos barrios e parques infantís. O 19 de setembro na rúa do Paseo os alumnos dos colexios da cidade realizarán un “flash mob”. A programación complétase o día 22 de setembro cun circuíto de ginkanas de bicicletas e contacontos, na rúa Pardo de Cela.

As actividades deportivas concentraranse o 22 de setembro na rúa Pardo de Cela, na que haberá partidiños 3x3 de fútbol nas categorías infantil e cadete e exhibicións de hóckey e patinaxe a cargo da Escola de Patinaxe Ourense, entre outras.



Comparte esta Publicación!!!










Ourense
Pontevedra
Vigo


Buscar
Historia
Cultura
Turismo
Naturaleza
Fotos - Vídeos
Autores
Webs Amigas

Síguenos en Facebook

Síguenos en Google+
Síguenos en Twiter
Síguenos en Linkedin
Síguenos en Youtube
Síguenos en Pinterest
Síguenos en Deviantart
Subscríbete a nuestro canal RSS








Porgaliciabaixo

Contacto | Mapa Web | Aviso Legal


Este sitio Web publícase baixo licenza CREATIVE COMMONS.

Diseñado por PorGaliciaBaixo






Deseñado por PorGaliciaBaixo