O Concello de Bueu, en colaboración co Colexio de Arquitectos de Galicia, organizou unha exposición cos cinco traballos gañadores do Concurso de Ideas da Banda do Río. A mostra estará aberta ao público ata o 14 de febreiro na Sala Amalia Domínguez Búa. Ademais, o 7 de febreiro levarase a cabo unha charla-coloquio coas arquitectas María Fandiño e Miriam García, autoras da proposta gañadora “Bandas da Ribeira”. O concurso recibiu dezasete propostas e busca mellorar integralmente este barrio mariñeiro.
