Francisco Zagala Pérez (1842 – 1908) foi un fotógrafo que desenvolveu toda a súa carreira en Galicia.
Naceu en Verín, desprazándose a estudar a Madrid onde ademais adquiriu a súa formación fotográfica. En torno a 1880 instalouse en Pontevedra nun estudo fotográfico chamado La Madrileña, na Pontevedresa Praza da Estrela.
Trátase dun dos primeiros fotógrafos españois que tomaron a substitución dos estranxeiros que se estableceron en España a metade do século XIX.
Retrato de Zagala de Valentín Paz Andrade de neno (1899) // Foto: WikipediaA súa actividade fotográfica coñecida desenvólvese en Galicia e dun modo máis concreto en Pontevedra onde dispoñía dun estudo para facer retratos. Con todo tamén se dedicou a realizar fotografía ao aire libre e de reproducións de arte, sendo o fotógrafo oficial da Sociedade Arqueolóxica de Pontevedra. Grazas á donación dos seus fondos ao Museo Provincial de Pontevedra pódese dispoñer de moitas imaxes de tipo etnográfico da vida en Pontevedra entre os séculos XIX e XX que se atopan no denominado arquivo Zagala.
Colaborou coa revista La Ilustración Española y Americana durante 1884 aportando fotografías de Pontevedra. Cando Pedro Ferrer publicou en 1904 a colección de fotografías titulada Portafolio de Galicia coa colaboración de numerosos fotógrafos tamén estivo encargado de proporcionar as imaxes de Pontevedra.
A súa obra foi exposta en diversas ocasións para mostrar o seu valor documental, quizá a máis importante foi a exposición realizada polo Museo de Pontevedra na súa homenaxe en 1994, pero tamén se realizaron exposicións de tipo colectivo como a celebrada en Vigo en 2010 co título Telón de Fondo.
Fonte: Wikipedia
