En principio, este documento está dirixido aos alcaldes e alcaldesas de Vigo, Redondela, Soutomaior, Vilaboa, Cangas, Moaña, Bueu, Marín, Poio, Barro, Cerdedo-Cotobade e Ponte Caldelas. Con todo, a porta está aberta para que outros concellos interesados se unan a esta iniciativa.
A autoestrada AP–9 no tramo entre Pontevedra e Vigo tivo inicialmente unha concesión até o ano 2013, posteriormente prorrogada até o 2023 e, despois, novamente prorrogada 25 anos máis até o 2048.
Sen menoscabo das reivindicacións da liberación da peaxe en toda a autoestrada ou noutros tramos, e sen tampouco menoscabo do recoñecemento dos avances que supuxeron as bonificacións para o Morrazo e as actuais para usuarios recorrentes, o certo é que no tramo Pontevedra a Vigo se dan unhas circunstancias especiais que se deben ter en conta.
A primeira é que Pontevedra e Vigo forman parte, xunto co Morrazo e os concellos da Ría de Pontevedra dunha mesma conurbación, dunha mesma área metropolitana, e así quedou recollida nas Directrices de Ordenación do Territorio de Galicia, documento oficial aprobado e en vigor.
A segunda circunstancia é a carencia dunha alternativa de comunicación por estrada entre Pontevedra e Vigo digna para os parámetros e condicións actuais.
A terceira é a profunda asimetría entre as relacións entre o Morrazo e Vigo, subvencionada a conexión con Vigo, pero non así a conexión con Pontevedra.
Por estes motivos, cremos que é de xustiza a petición de que se libere de peaxe o tramo da autoestrada AP–9 entre Pontevedra e Vigo, e se dea cumprimento a esta reivindicación histórica.
En consecuencia, diriximos esta petición ao Ministerio de Transportes e aos Grupos Políticos do Congreso e do Senado, para que tomen en consideración esta petición e adopten as medidas e iniciativas para darlle cabal cumprimento.
IMPULSO ÁS AMPA DE PONTEVEDRA! ABERTAS AS CONVOCATORIAS PARA NOVAS SUBVENCIÓNS EDUCATIVAS 
A VOZ DOS NENOS TRANSFORMA PONTEVEDRA: ARRINCA O CONSELLO DAS CRIANZAS 
PRESUPOSTOS RÉCORD PARA PONTEVEDRA: BNG E PSDG ALCANZAN UN ACORDO HISTÓRICO 
PEDALEA CON PRECAUCIÓN: NOVA CAMPAÑA PARA GARANTIR A SEGURIDADE NAS RÚAS PONTEVEDRESAS